zamir

maiñ kaun huuñ batā.iye kyā merā naam hai

aayā huuñ maiñ kahāñ se kahāñ merā qayām hai

hamdard huuñ rafīq huuñ ye jaan lījiye

maiñ huuñ zamīr aap kā pahchān lījiye

uThe ġhalat qadam to batātā huuñ aap ko

har ġhalat amal pe jatātā huuñ aap ko

maiñ jāgtā huuñ ḳhud bhī jagātā huuñ aap ko

jo kuchh maiñ kah rahā huuñ ise maan lījiye

maiñ huuñ zamīr aap kā pahchān lījiye

jab bolte haiñ aap kabhī jhuuT barmalā

Toktā huuñ maiñ ki ye amal nahīñ bhalā

us vaqt ghoñTte haiñ mirā aap hī galā

jo kuchh maiñ kah rahā huuñ use maan lījiye

maiñ huuñ zamīr aap kā pahchān lījiye

karte haiñ aap naql agar imtihān meñ

is Dhañg se ki aa.e na shān-o-gumān meñ

maiñ Toktā huuñ aap ko dil kī zabān meñ

jo kuchh maiñ kah rahā huuñ use maan lījiye

maiñ huuñ zamīr aap kā pahchān lījiye

karte haiñ dostoñ se agar aap guftugū

rakhte haiñ dūsroñ kī kahāñ pās-e-ābrū

ġhībat kī ḳhū ko aaj hī kar diije āḳh-thū

jo kuchh maiñ kah rahā huuñ use maan lījiye

maiñ huuñ zamīr aap kā pahchān lījiye

main kaun hun bataiye kya mera nam hai

aaya hun main kahan se kahan mera qayam hai

hamdard hun rafiq hun ye jaan lijiye

main hun zamir aap ka pahchan lijiye

uThe ghalat qadam to batata hun aap ko

har ghalat amal pe jatata hun aap ko

main jagta hun KHud bhi jagata hun aap ko

jo kuchh main kah raha hun ise man lijiye

main hun zamir aap ka pahchan lijiye

jab bolte hain aap kabhi jhuT barmala

Tokta hun main ki ye amal nahin bhala

us waqt ghonTte hain mera aap hi gala

jo kuchh main kah raha hun use man lijiye

main hun zamir aap ka pahchan lijiye

karte hain aap naql agar imtihan mein

is Dhang se ki aae na shan-o-guman mein

main Tokta hun aap ko dil ki zaban mein

jo kuchh main kah raha hun use man lijiye

main hun zamir aap ka pahchan lijiye

karte hain doston se agar aap guftugu

rakhte hain dusron ki kahan pas-e-abru

ghibat ki KHu ko aaj hi kar dije aaKH-thu

jo kuchh main kah raha hun use man lijiye

main hun zamir aap ka pahchan lijiye