zara tum taq par rakhe mohabbat ke diye ko phir jalao

añdherā baḌh rahā hai

añdherā baḌh rahā hai aur

ham donoñ kī āñkheñ bhī

zarā

kam-nūr hotī jā rahī haiñ

is liye aisā karo

ik baar phir se

jo

guzishta ahd meñ va.ade kiye the

mohabbat ke jo naġhme gungunā.e the

vafā ke phuul jo barsā.e the

vo

dhyān meñ laao

chalo ik baar phir

dohrāte haiñ ḳhud ko

suno

ham donoñ kī āñkheñ agar kam-nūr haiñ to kyā

diloñ meñ yaad kā jashn-e-charāġhāñ ham kareñ

is se kam-az-kam raat kāTne ke liye

kuchh raushnī to mil sakegī phir

chalo ham taaq par rakhe mohabbat ke diye ko phir jalāte haiñ

udāsī se hī donoñ muskurāte haiñ

andhera baDh raha hai

andhera baDh raha hai aur

hum donon ki aankhen bhi

zara

kam-nur hoti ja rahi hain

is liye aisa karo

ek bar phir se

jo

guzishta ahd mein wade kiye the

mohabbat ke jo naghme gungunae the

wafa ke phul jo barsae the

wo

dhyan mein lao

chalo ek bar phir

dohraate hain KHud ko

suno

hum donon ki aankhen agar kam-nur hain to kya

dilon mein yaad ka jashn-e-charaghan hum karen

is se kam-az-kam raat kaTne ke liye

kuchh raushni to mil sakegi phir

chalo hum taq par rakhe mohabbat ke diye ko phir jalate hain

udasi se hi donon muskuraate hain