zarurat-e-iqbaal

kuchh aise ruup meñ aaya hai fitna-e-hāzir

tamīz-e-dostāñ o dushmanāñ bhī mushkil hai

hai phir zarūrat-e-iqbāl tarbiyat ke liye

vagarna qaum par ye imtihāñ bhī mushkil hai

hujūm-e-kam-nazrāñ se haiñ rāste masdūd

dalīl-e-rāh kahāñ ab to kārvāñ bhī nahīñ

taḌap ke gum huī bāñg-e-darā fazāoñ meñ

ki zindagī kā yahāñ duur tak nishāñ bhī nahīñ

ye vo zamīñ to nahīñ tū ne jis ko chāhā thā

yahāñ to phuuT hai nafrat hai ḳhud-parastī hai

ġhanīm-e-shahar kī dīvār tak chalā aaya

idhar ye haal ki aapas kī chīra-dastī hai

nigah buland suḳhan dil-navāz jaañ pur-soz

ham aise rāh-numā ke liye taraste rahe

magar ye apnā muqaddar ki rahzanoñ ke sabab

qadam qadam pe uThā.e fareb-e-zaḳhm sahe

avaam ko rahī fikr-e-ma.āsh har lamha

mudabbiroñ ne bhī chāhā yahī ġhanīmat hai

shu.ūr jaag uThā to ye ham pe faash huā

hamārā daur hai apnī bhī qadr-o-qīmat hai

shu.ūr jaag uThā hai yahī ġhanīmat hai

ḳhudī ke zor se ḳhud iḳhtiyār bhī hoñge

hamārā daur ab aaya is e'timād kī ḳhair

hamāre naam payām-e-bahār bhī hoñge

ham apne chāñd sitāre kī aabrū ke amiiñ

lahū se millat-e-baizā ko raushnī deñge

salām shā.ir-e-mashriq ke shāhkār-e-jamīl

ham apne azm-o-amal kā subūt bhī deñge

kuchh aise rup mein aaya hai fitna-e-hazir

tamiz-e-dostan o dushmanan bhi mushkil hai

hai phir zarurat-e-iqbaal tarbiyat ke liye

wagarna qaum par ye imtihan bhi mushkil hai

hujum-e-kam-nazran se hain raste masdud

dalil-e-rah kahan ab to karwan bhi nahin

taDap ke gum hui bang-e-dara fazaon mein

ki zindagi ka yahan dur tak nishan bhi nahin

ye wo zamin to nahin tu ne jis ko chaha tha

yahan to phuT hai nafrat hai KHud-parasti hai

ghanim-e-shahar ki diwar tak chala aaya

idhar ye haal ki aapas ki chira-dasti hai

nigah buland suKHan dil-nawaz jaan pur-soz

hum aise rah-numa ke liye taraste rahe

magar ye apna muqaddar ki rahzanon ke sabab

qadam qadam pe uThae fareb-e-zaKHm sahe

awam ko rahi fikr-e-maash har lamha

mudabbiron ne bhi chaha yahi ghanimat hai

shuur jag uTha to ye hum pe fash hua

hamara daur hai apni bhi qadr-o-qimat hai

shuur jag uTha hai yahi ghanimat hai

KHudi ke zor se KHud iKHtiyar bhi honge

hamara daur ab aaya is e'timad ki KHair

hamare nam payam-e-bahaar bhi honge

hum apne chand sitare ki aabru ke amin

lahu se millat-e-baiza ko raushni denge

salam shair-e-mashriq ke shahkar-e-jamil

hum apne azm-o-amal ka subut bhi denge