zindagi

‘itr-o-kāfūr kī

ḳhushbūoñ meñ basā

ek maġhmūm jhoñkā havā kā baḌhā

aur mirī saañs se aa ke Takrā gayā

merī nazreñ uThīñ

chand kāñdhoñ pe rakkhā thā bār-e-garāñ

ek raahī 'adam kī taraf thā ravāñ

karbnākī kī barq-e-tapāñ al-amāñ

merī ik ek rag meñ utartī ga.ī

chashm tar ho ga.ī

zindagī kā ye anjām hai kyā kahūñ

zindagī ke liye log marte haiñ kyoñ

maut hai.at-fazā raqs kartī rahī

zindagī tābnākī ke sāmāñ liye

muskurātī rahī

fard kī maut se zindagī to kabhī ḳhatm hotī nahīñ

ḳhatm hotī nahīñ

‘itr-o-kafur ki

KHushbuon mein basa

ek maghmum jhonka hawa ka baDha

aur meri sans se aa ke Takra gaya

meri nazren uThin

chand kandhon pe rakkha tha bar-e-garan

ek rahi 'adam ki taraf tha rawan

karbnaki ki barq-e-tapan al-aman

meri ek ek rag mein utarti gai

chashm tar ho gai

zindagi ka ye anjam hai kya kahun

zindagi ke liye log marte hain kyon

maut haiat-faza raqs karti rahi

zindagi tabnaki ke saman liye

muskuraati rahi

fard ki maut se zindagi to kabhi KHatm hoti nahin

KHatm hoti nahin