zarā ai josh-e-ġham rahne de qaabū meñ zabāñ merī

vo sunñā chāhte haiñ ḳhud mujhī se dāstāñ merī

zara ai josh-e-gham rahne de qabu mein zaban meri

wo sunna chahte hain KHud mujhi se dastan meri

jitnī tavaqquāt thiiñ sab ḳhatm ho chukīñ

maiñ 'ārfī' kisī se bhī ab sargirāñ nahīñ

jitni tawaqquat thin sab KHatm ho chukin

main 'arfi' kisi se bhi ab sargiran nahin

toḌnā tauba kā sau baar bhī āsāñ thā magar

jām-e-mai mujh se to ik baar bhī toḌā na gayā

toDna tauba ka sau bar bhi aasan tha magar

jam-e-mai mujh se to ek bar bhi toDa na gaya

sukūn-e-iztirāb-e-ġham pe chāra-sāz to ḳhush haiñ

dil-e-betāb kī lekin qazā ma.alūm hotī hai

sukun-e-iztirab-e-gham pe chaara-saz to KHush hain

dil-e-betab ki lekin qaza malum hoti hai

ek hī phuul thā bas gul-kada-e-husn meñ tū

chun liyā aañkh meñ apnī tire shaidā.ī ne

ek hi phul tha bas gul-kada-e-husn mein tu

chun liya aankh mein apni tere shaidai ne