nahīñ miltī unheñ manzil jinheñ ḳhauf-e-havādis hai

jo maujoñ se nahīñ Darte nadī ko paar karte haiñ

nahin milti unhen manzil jinhen KHauf-e-hawadis hai

jo maujon se nahin Darte nadi ko par karte hain

ab charāġhoñ meñ zindagī kam hai

dil jalāo ki raushnī kam hai

ab charaghon mein zindagi kam hai

dil jalao ki raushni kam hai

kaif-o-mastī surūr kyā ma.anī

zindagī meñ bhī ab ḳhushī kam hai

kaif-o-masti surur kya mani

zindagi mein bhi ab KHushi kam hai

bevafā kahiye bā-vafā kahiye

dil meñ aa.e jo barmalā kahiye

bewafa kahiye ba-wafa kahiye

dil mein aae jo barmala kahiye

zindagī chhoTī hai sāmān bahut

aur dil ke bhī haiñ armān bahut

zindagi chhoTi hai saman bahut

aur dil ke bhi hain arman bahut