نہیں ملتی انہیں منزل جنہیں خوف حوادث ہے

جو موجوں سے نہیں ڈرتے ندی کو پار کرتے ہیں

اب چراغوں میں زندگی کم ہے

دل جلاؤ کہ روشنی کم ہے

کیف و مستی سرور کیا معنی

زندگی میں بھی اب خوشی کم ہے

بے وفا کہئے با وفا کہئے

دل میں آئے جو برملا کہئے

زندگی چھوٹی ہے سامان بہت

اور دل کے بھی ہیں ارمان بہت

نہ جانے کس کی یاد نے لی دل میں گدگدی

آئنہ دیکھ دیکھ کے شرما رہے ہیں ہم

کہاں شکوہ زمانے کا پس دیوار کرتے ہیں

ہمیں کرنا ہے جو بھی ہم سر بازار کرتے ہیں

جس کے پیروں تلے زمین نہیں

اس کا سارا جہان ہوتا ہے

اپنے دامن کی کچھ خبر ہے مجیدؔ

سوچ کر خود کو پارسا کہئے

سب اپنی اپنی راہ پر آگے نکل گئے

اب کس کا انتظار کئے جا رہے ہیں ہم