چاند میں تو نظر آیا تھا مجھے

میں نے مہتاب نہیں دیکھا تھا

مومنؔ میاں یہ کام نہیں ہے یہ عشق ہے

کیا سوچ میں پڑے ہو کروں یا کروں نہیں

چاند میں تو نظر آیا تھا مجھے

میں نے مہتاب نہیں دیکھا تھا

خود کو کتنا بھلا دیا میں نے

تو بھی اب اجنبی سا لگتا ہے

ستم تو یہ ہے کہ میں نے اسے بھی چھوڑ دیا

جو سب کو چھوڑ کے تنہا کھڑا ہے میرے ساتھ

زخم کھا کر بھی جو دعائیں دے

کون اس کا مقابلہ کرے گا

جس رستے میں تم مل جاؤ

وہ رستہ منزل ہوتا ہے

تم سے مل کر میں اس کو بھول گیا

جس نے تم سے مجھے ملایا ہے

خواب میرے چرا لئے اس نے

جس کو میں نے ادھار دیں آنکھیں

جانے کیا کہہ رہا تھا وہ مجھ سے

میں نے بھی کہہ دیا کہ خوش ہوں میں

تو نے مجھ کو بنا دیا انساں

میں نے تجھ کو خدا بنایا ہے

مجھے بھی عقل پریشان کرتی رہتی ہے

نہیں نہیں سے گزر کر میں ہاں پہ آیا ہوں

وہ جو کل تک ہاں میں ہاں کرتا تھا میری

آج تو وہ بھی نہیں پر آ گیا ہے

میں جہاں بھی گیا تجھے پایا

تو بھی کیا یوں ہی پا رہا ہے مجھے

کفن کی جیب بھی خالی نہیں ہے

یہ بد حالی ہے خوشحالی نہیں ہے

جو لکھا ہی نہیں گیا مجھ سے

دل نے وہ گیت گنگنایا ہے

اس نے وعدہ نہیں لیا مجھ سے

اور کہتا ہے میں مکر رہا ہوں

کیسے کیسے میں بھولا ہوں

کیسے یاد آ جاتا ہے تو

کیا بتاؤں چھپا ہے مجھ میں کون

کون مجھ میں چھپا رہا ہے مجھے

ہجر کا باب ہی کافی تھا ہمیں

وصل کا باب نہیں دیکھا تھا

ابھی سے تجھ کو پڑی ہے وصال کی مری جاں

ابھی تو ہجر نے عنوان ہی نہیں پایا

یاد آتے ہیں وے دن بہت

کیوں نہ وے دن دوبارا کریں

وے راتیں جو گزرتی ہی نہیں تھیں

انہیں گزرے زمانے ہو گئے ہیں

آج سورج نے کہہ دیا مومنؔ

تو جلے گا تو روشنی ہوگی

کیسی عجیب بات ہے تو سامنے تھا اور

میں تیرے سامنے بھی کسی اور سے ملا

چھوڑ آئے ہیں وے گلی لیکن

وے گلی چھوڑ کر نہیں جاتی

وے سامنے سے جا چکا تو یہ کھلا

وہ خواب لگ رہا تھا خواب تھا نہیں