اسے میں کیوں محبت سے نہ دیکھوں

وہ میرا پہلا پہلا پیار ٹھہرا

وہ اب بھی دل دکھا دیتا ہے میرا

وہ میرا دوست ہے دشمن نہیں ہے

کیا بھروسہ زندگی کا ہم کریں

آج ہم میں جان ہے کل ہو نہ ہو

تمہارے ساتھ رہنے کے لئے بھی

ہمیں کوئی بہانہ چاہیے اب

اس نے پوچھا ہے کیا محبت ہے

اب بھلا کیا جواب دوں اس کو

ایک دن لوٹ کر میں آؤں گا

ہو سکے انتظار کر لینا

تیرا افسانہ چھیڑ کر کوئی

آج جاگے گا رات بھر کوئی

وہ مرے ساتھ یوں رہا جیسے

کاٹتا ہو کوئی سزا جیسے

سر محفل میں کیوں خاموش رہ کر

سبھی لوگوں کے تیور دیکھتا ہوں

توڑ کر وعدہ جا نہیں سکتا

وہ مرا دل دکھا نہیں سکتا

فاقے کا دن آج ہے عنبرؔ

اللہ کے مہمان بنے ہیں