use maiñ kyuuñ mohabbat se na dekhūñ

vo merā pahlā pahlā pyaar Thahrā

use main kyun mohabbat se na dekhun

wo mera pahla pahla pyar Thahra

vo ab bhī dil dukhā detā hai merā

vo merā dost hai dushman nahīñ hai

wo ab bhi dil dukha deta hai mera

wo mera dost hai dushman nahin hai

tumhāre saath rahne ke liye bhī

hameñ koī bahāna chāhiye ab

tumhaare sath rahne ke liye bhi

hamein koi bahana chahiye ab

us ne pūchhā hai kyā mohabbat hai

ab bhalā kyā javāb duuñ us ko

us ne puchha hai kya mohabbat hai

ab bhala kya jawab dun us ko

ek din lauT kar maiñ ā.uñgā

ho sake intizār kar lenā

ek din lauT kar main aaunga

ho sake intizar kar lena

terā afsāna chheḌ kar koī

aaj jāgegā rāt-bhar koī

tera afsana chheD kar koi

aaj jagega raat-bhar koi

kyā bharosa zindagī kā ham kareñ

aaj ham meñ jaan hai kal ho na ho

kya bharosa zindagi ka hum karen

aaj hum mein jaan hai kal ho na ho

vo mire saath yuuñ rahā jaise

kāTtā ho koī sazā jaise

wo mere sath yun raha jaise

kaTta ho koi saza jaise

toḌ kar va.ada jā nahīñ saktā

vo mirā dil dukhā nahīñ saktā

toD kar wada ja nahin sakta

wo mera dil dukha nahin sakta

sar-e-mahfil maiñ kyuuñ ḳhāmosh rah kar

sabhī logoñ ke tevar dekhtā huuñ

sar-e-mahfil main kyun KHamosh rah kar

sabhi logon ke tewar dekhta hun

faaqe kā din aaj hai 'amabar'

allāh ke mehmān bane haiñ

faqe ka din aaj hai 'amabar'

allah ke mehman bane hain