chāhe kitnī bhī añdherī shab ho

dekhnā phir se ujālā hogā

chahe kitni bhi andheri shab ho

dekhna phir se ujala hoga

ḳhatra thā āñdhiy.oñ se magar hā.e-re nasīb

bād-e-sabā charāġh bujhā kar chalī ga.ī

KHatra tha aandhiyon se magar hae-re nasib

baad-e-saba charagh bujha kar chali gai

chaman meñ shor hai bhañvroñ kī chāhat kā bahut lekin

mohabbat gul kī bulbul se hai ḳhāmoshī ke parde meñ

chaman mein shor hai bhanwron ki chahat ka bahut lekin

mohabbat gul ki bulbul se hai KHamoshi ke parde mein

puḳhta agar hai 'azm to socho na dosto

chhoTī sī naav aur samundar vishāl hai

puKHta agar hai 'azm to socho na dosto

chhoTi si naw aur samundar wishaal hai

maiñ agar aa.ina nahīñ hotā

koī mujh se ḳhafā nahīñ hotā

main agar aaina nahin hota

koi mujh se KHafa nahin hota

us ke chehre pe thā namak aisā

aaj tak zā.iqa hai hoñToñ par

us ke chehre pe tha namak aisa

aaj tak zaiqa hai honTon par

na to āftāb kī hai ġharaz na talab mujhe koī chāñd kī

vo charāġh mujh ko 'azīz hai mirī zulmatoñ ko jo nuur de

na to aaftab ki hai gharaz na talab mujhe koi chand ki

wo charagh mujh ko 'aziz hai meri zulmaton ko jo nur de