hazār baar irāda kiye baġhair bhī ham

chale haiñ uTh ke to aksar ga.e usī kī taraf

hazar bar irada kiye baghair bhi hum

chale hain uTh ke to aksar gae usi ki taraf

manzileñ na bhūleñge rāh-rau bhaTakne se

shauq ko ta.alluq hī kab hai paañv thakne se

manzilen na bhulenge rah-rau bhaTakne se

shauq ko talluq hi kab hai panw thakne se

apne apne hausloñ apnī talab kī baat hai

chun liyā ham ne unheñ saarā jahāñ rahne diyā

apne apne hauslon apni talab ki baat hai

chun liya hum ne unhen sara jahan rahne diya

rāhat kī justujū meñ ḳhushī kī talāsh meñ

ġham pāltī hai umr-e-gurezāñ na.e na.e

rahat ki justuju mein KHushi ki talash mein

gham palti hai umr-e-gurezan nae nae

bāñdh kar ahd-e-vafā koī gayā hai mujh se

ai mirī umr-e-ravāñ aur zarā āhista

bandh kar ahd-e-wafa koi gaya hai mujh se

ai meri umr-e-rawan aur zara aahista