عدنان حامد کی  پیدائش 15 اگست، 2000 کو محمود آباد، سیتاپور، اتر پردیش میں ہوئی۔ ابتدائی تعلیم وطن ہی میں حاصل کی۔ اعلیٰ تعلیم کے لیے لکھنؤ یونیورسٹی میں 2017 میں داخلہ لیا، جہاں بیچلرس اور ماسٹرس کے دوران مارکسی نظریات سے متاثر ہوکر ایکٹوزم سے بھی جڑے رہے۔ لگ بھگ پچھلے پانچ سال سے لگاتار یو۔ پی میں پارٹی کے لیے کام کر رہے ہیں۔
عدنان حامد کی شاعری اداسی، محرومی، گریے اور دکھ کے احساسات کی گہری تصویر پیش کرتی ہے۔ ان کے اشعار میں درد کے ایسے نقش ملتے ہیں جو انسانی جذبات کی پیچیدگی کو سادگی اور گہرائی کے ساتھ بیان کرتے ہیں۔
ان کے لفظ نہ صرف دل کی گہرائیوں کو چھوتے ہیں بلکہ دکھ اور مایوسی کے جذبات کو نئی معنویت دیتے ہیں۔ ہر مصرع ایک احساس، ایک کہانی اور ایک چیخ کو زبان دیتا ہے، جو کبھی آنسو بن کر بہتی ہے اور کبھی سکوت بن کر دل پر دستک دیتی ہے۔ عدنان حامد کی غزلیں اردو شاعری میں اداسی اور درد کو نئی پہچان دیتی ہیں۔