افضال فردوس کی شاعری

افضال فردوس کے اشعار

اس طرح ستایا ہے پریشان کیا ہے

گویا کہ محبت نہیں احسان کیا ہے

جس کو میری حالت کا احساس نہیں

اس کو دل کا حال سنا کر رونا کیا

کسی نے مجھ سے کہہ دیا تھا زندگی پہ غور کر

میں شاخ پر کھلا ہوا گلاب دیکھتا رہا

مشکل تھا بہت میرے لیے ترک تعلق

یہ کام بھی تم نے مرا آسان کیا ہے

دیواروں میں در ہوتا تو اچھا تھا

اپنا کوئی گھر ہوتا تو اچھا تھا

اے میرے مصور نہیں یہ میں تو نہیں ہوں

یہ تو نے بنا ڈالی ہے تصویر کوئی اور

رنگ آ جاتے مٹھی میں جگنو بن کر

خوشبو کا پیکر ہوتا تو اچھا تھا