āfrīnash ke hafte meñ chhe roz tak ek tasvīr paiham banā.ī ga.ī

din ziyā-sāz hāthoñ se zāhir huā aur musavvir kī kārīgarī raat hai

aafrinash ke hafte mein chhe roz tak ek taswir paiham banai gai

din ziya-saz hathon se zahir hua aur musawwir ki karigari raat hai

ek taraf kuchh hoñT mohabbat kī raushan āyāt paḌheñ

ik saf meñ hathiyār sajā.e saare jañg-parast raheñ

ek taraf kuchh honT mohabbat ki raushan aayat paDhen

ek saf mein hathiyar sajae sare jang-parast rahen

das moharram kī fāqa-shikan asr kā sar jhukā.e hue baiTh kar sochnā

chand phūloñ meñ lipTī huī fajr thī kuchh charāġhoñ kī nauhagarī raat hai

das moharram ki faqa-shikan asr ka sar jhukae hue baiTh kar sochna

chand phulon mein lipTi hui fajr thi kuchh charaghon ki nauhagari raat hai

kaifiyat ke ishāre pe tasvīr meñ chand rangoñ kī tartīb badlī ga.ī

āsmāñ zard hai aur zamīñ nīlgūñ chand kaale shajar ik harī raat hai

kaifiyat ke ishaare pe taswir mein chand rangon ki tartib badli gai

aasman zard hai aur zamin nilgun chand kale shajar ek hari raat hai

taar kas kar koī rāgnī chheḌ de ai tavā.if aziyyat bharī raat hai

jāntī hai sarā.e kī har ūñTnī is musāfir kī ye āḳhirī raat hai

tar kas kar koi ragni chheD de ai tawaif aziyyat bhari raat hai

jaanti hai sarae ki har unTni is musafir ki ye aaKHiri raat hai