mai.n bahut KHush thaa ka.Dii dhuup ke sannaaTe me.n kyuu.n tirii yaad kaa baadal mire sar par aayaa

mil hii aate hai.n use aisaa bhii kyaa ho jaa.egaa bas yahii naa dard kuchh dil kaa sivaa ho jaa.egaa vo mire dil kii pareshaanii se afsurda ho kyuu.n dil kaa kyaa hai kal ko phir achchhaa bhalaa ho jaa.egaa ghar se kuchh KHvaabo.n se milne ke liye nikle the ham kyaa KHabar thii zindagii se saamnaa ho jaa.egaa rone lagtaa huu.n mohabbat me.n to kahtaa hai ko.ii kyaa tire ashko.n se ye jangal haraa ho jaa.egaa kaise aa saktii hai aisii dil-nashii.n duniyaa ko maut kaun kahtaa hai ki ye sab kuchh fanaa ho jaa.egaa

yaar sab jam.a hu.e raat kii KHaamoshii me.n ko.ii ro kar to ko.ii baal banaa kar aayaa

tham gayaa dard ujaalaa hu.aa tanhaa.ii me.n barq chamkii hai kahii.n raat kii gahraa.ii me.n baaG kaa baaG lahuu rang hu.aa jaataa hai vaqt masruuf hai kaisii chaman-aaraa.ii me.n shahr viiraan hu.e bahr bayaabaan hu.e KHaak u.Dtii hai dar o dasht kii pahnaa.ii me.n ek lamhe me.n bikhar jaataa hai taanaa-baanaa aur phir umr guzar jaatii hai yakjaa.ii me.n us tamaashe me.n nahii.n dekhne vaalaa ko.ii is tamaashe ko jo barpaa hai tamaashaa.ii me.n

mai.n bahut KHush thaa ka.Dii dhuup ke sannaaTe me.n kyuu.n tirii yaad kaa baadal mire sar par aayaa

ab us kii shakl bhii mushkil se yaad aatii hai vo jis ke naam se hote na the judaa mire lab

ik raat chaa.ndnii mire bistar pe aa.ii thii mai.n ne taraash kar tiraa chehra banaa diyaa

yaar sab jam.a hu.e raat kii KHaamoshii me.n ko.ii ro kar to ko.ii baal banaa kar aayaa

ye paanii KHaamushii se bah rahaa hai ise dekhe.n ki is me.n Duub jaa.e.n

aaj ro kar to dikhaa.e ko.ii aisaa ronaa yaad kar ai dil-e-KHaamosh vo apnaa ronaa raqs karnaa kabhii KHvaabo.n ke shabistaano.n me.n kabhii yaado.n ke sutuuno.n se lipaTnaa ronaa tujh se siikhe ko.ii rone kaa saliiqa ai abr kahii.n qatra na giraanaa kahii.n dariyaa ronaa rasm-e-duniyaa bhii vahii raah-e-tamannaa bhii vahii vahii mil baiTh ke ha.nsnaa vahii tanhaa ronaa ye tiraa taur samajh me.n nahii.n aayaa 'mushtaaq' kabhii ha.nste chale jaanaa kabhii itnaa ronaa