mujhe pārsā.ī kā da.avā nahīñ hai

farishta nahīñ maiñ nirā aadmī huuñ

mujhe parsai ka dawa nahin hai

farishta nahin main nira aadmi hun

qismat kā mirī haal batāoge mujhe kyā

mazdūr ke hāthoñ pe lakīreñ nahīñ hotīñ

qismat ka meri haal bataoge mujhe kya

mazdur ke hathon pe lakiren nahin hotin

bun rahī haiñ jaal phir se makḌiyāñ

ek āvāra sī makkhī ke liye

bun rahi hain jal phir se makDiyan

ek aawara si makkhi ke liye

maiñ ne karnī hai sitāroñ se koī raaz kī baat

abhī kuchh aur mire qad ko baḌhāyā jaa.e

main ne karni hai sitaron se koi raaz ki baat

abhi kuchh aur mere qad ko baDhaya jae

vo jo anā kī qaid meñ ab tak hai mutma.in

ab us ke lauTne kā gumāñ kis liye kareñ

wo jo ana ki qaid mein ab tak hai mutmain

ab us ke lauTne ka guman kis liye karen