mustaqbil ke ḳhauf se sahmā rahtā huuñ

maiñ ne būḌhe peḌ kī āñkheñ dekhī haiñ

mustaqbil ke KHauf se sahma rahta hun

main ne buDhe peD ki aankhen dekhi hain

bun rahī haiñ jaal phir se makḌiyāñ

ek āvāra sī makkhī ke liye

bun rahi hain jal phir se makDiyan

ek aawara si makkhi ke liye

qismat kā mirī haal batāoge mujhe kyā

mazdūr ke hāthoñ pe lakīreñ nahīñ hotīñ

qismat ka meri haal bataoge mujhe kya

mazdur ke hathon pe lakiren nahin hotin

mujhe pārsā.ī kā da.avā nahīñ hai

farishta nahīñ maiñ nirā aadmī huuñ

mujhe parsai ka dawa nahin hai

farishta nahin main nira aadmi hun

maiñ ne karnī hai sitāroñ se koī raaz kī baat

abhī kuchh aur mire qad ko baḌhāyā jaa.e

main ne karni hai sitaron se koi raaz ki baat

abhi kuchh aur mere qad ko baDhaya jae

hayāt-o-maut kā ye falsafa bajā lekin

darūn-e-ḳhāk mirā dil zarūr dhaḌkegā

hayat-o-maut ka ye falsafa baja lekin

darun-e-KHak mera dil zarur dhaDkega

vo jo anā kī qaid meñ ab tak hai mutma.in

ab us ke lauTne kā gumāñ kis liye kareñ

wo jo ana ki qaid mein ab tak hai mutmain

ab us ke lauTne ka guman kis liye karen

jis kī fitrat meñ ho bas ek ḳhudā kī puujā

aisī miTTī se koī but na banāyā jaa.e

jis ki fitrat mein ho bas ek KHuda ki puja

aisi miTTi se koi but na banaya jae

kisī ne ranj diyā aur kisī ne gaalī dī

ba-qadr-e-zarf navāzā hai dostoñ ne mujhe

kisi ne ranj diya aur kisi ne gali di

ba-qadr-e-zarf nawaza hai doston ne mujhe

ek mukammal vāhid hastī merī mālik phir kaahe ko

kirchī kirchī reza reza pāra-pāra maiñ āvāra

ek mukammal wahid hasti meri malik phir kahe ko

kirchi kirchi reza reza para-para main aawara

aise meñ kis kā bharosa kījiye

jab kisī pyāse ko paanī maar de

aise mein kis ka bharosa kijiye

jab kisi pyase ko pani mar de

raat ko taare gintā huuñ aur rotā huuñ

kahne ko to maiñ bhī chhat pe sotā huuñ

raat ko tare ginta hun aur rota hun

kahne ko to main bhi chhat pe sota hun

hayāt-o-maut kā ye falsafa bajā lekin

darūn-e-ḳhāk mirā dil zarūr dhaḌkegā

hayat-o-maut ka ye falsafa baja lekin

darun-e-KHak mera dil zarur dhaDkega

shab-e-siyāh ke māthe pe likh rahā huuñ maiñ

zavāl-e-ādam-e-ḳhākī kī dāstān hanūz

shab-e-siyah ke mathe pe likh raha hun main

zawal-e-adam-e-KHaki ki dastan hanuz

vaqt ke dā.ere meñ rahte hue

thak chukā huuñ hayāt sahte hue

waqt ke daere mein rahte hue

thak chuka hun hayat sahte hue

koī sadī mirī muntazir hai kisī sadī se guzar rahā huuñ

maiñ ek manzar meñ jī uThūñgā maiñ ek manzar meñ mar rahā huuñ

koi sadi meri muntazir hai kisi sadi se guzar raha hun

main ek manzar mein ji uThunga main ek manzar mein mar raha hun

aah kartā hai to zanjīr bhī ro paḌtī hai

tū ne vahshī kī aziyyat ko kahāñ dekhā hai

aah karta hai to zanjir bhi ro paDti hai

tu ne wahshi ki aziyyat ko kahan dekha hai

mire har taraf bas ḳhudā hī ḳhudā haiñ

ḳhudāoñ meñ sahmā huā aadmī huuñ

mere har taraf bas KHuda hi KHuda hain

KHudaon mein sahma hua aadmi hun

hijr de ke bhī be-qarārī hai

aur sulgā.iye is ātish ko

hijr de ke bhi be-qarari hai

aur sulgaiye is aatish ko

kā.enātoñ kā alaav sard hotā jā rahā hai

zindagī kā sabz pattā zard hotā jā rahā hai

kaenaton ka alaw sard hota ja raha hai

zindagi ka sabz patta zard hota ja raha hai

aa jaa.e koī ranj miTāne ko kahīñ se

aflāk se utre yā nikal aa.e zamīñ se

aa jae koi ranj miTane ko kahin se

aflak se utre ya nikal aae zamin se

ā.īna-e-hayāt meñ barsoñ se ai vaqās

Thahrā huā hai aks tire ḳhadd-o-ḳhāl kā

aaina-e-hayat mein barson se ai waqas

Thahra hua hai aks tere KHadd-o-KHal ka

maiñ māntā huuñ burā biit biit jā.egā

magar vo tiir jo terī kamāñ se aa.egā

main manta hun bura bit bit jaega

magar wo tir jo teri kaman se aaega

jānib-e-rāh-e-adam jo bhī sidhāre jaa.eñ

ain mumkin hai kisī roz pukāre jaa.eñ

jaanib-e-rah-e-adam jo bhi sidhaare jaen

ain mumkin hai kisi roz pukare jaen

us harf-e-bā-safā ne to suulī chaḌhā diyā

vo ek harf-e-haq jo mire hāfize meñ thā

us harf-e-ba-safa ne to suli chaDha diya

wo ek harf-e-haq jo mere hafize mein tha

usī ke nuur se raushan haiñ kahkashā.eñ bhī

vo ek ism jo merī zabāñ se jaarī hai

usi ke nur se raushan hain kahkashaen bhi

wo ek ism jo meri zaban se jari hai

jānib-e-maqtal ghasīTā jā rahā hai

mujh pe ye ilzām hai maiñ aadmī huuñ

jaanib-e-maqtal ghasiTa ja raha hai

mujh pe ye ilzam hai main aadmi hun

saḳht mashaqqat vaale din bhī kaaTe haiñ

ḳhuun rulāne vaalī rāteñ dekhī haiñ

saKHt mashaqqat wale din bhi kaTe hain

KHun rulane wali raaten dekhi hain