log koī aur hī matlab nikāleñ dostī kā

aap pahlū se mire thoḌā sā haT ke baiThā kiije

log koi aur hi matlab nikalen dosti ka

aap pahlu se mere thoDa sa haT ke baiTha kije

chaa.e piite aur bāteñ karte lekin

tum yahāñ aa.e ho ġhussa saath le kar

chae pite aur baaten karte lekin

tum yahan aae ho ghussa sath le kar

zindagī achchhī bahut hai

aaj phir se jhuuT bolā

zindagi achchhi bahut hai

aaj phir se jhuT bola

shaam jaldī se guzar jā.egī to ham

is udāsī ko dabā deñge kahīñ par

sham jaldi se guzar jaegi to hum

is udasi ko daba denge kahin par

dekhne hālat mirī sab aa.e haiñ

ek bas us sang-dil ko chhoḌ kar

dekhne haalat meri sab aae hain

ek bas us sang-dil ko chhoD kar

āsmāñ kā ham ḳhasārā kaise karte

us sitāre ko sharāra kaise karte

aasman ka hum KHasara kaise karte

us sitare ko sharara kaise karte

chashm-o-lab-o-ruḳhsār par bose diye

ham ne zarā sī der meñ kyā kyā kiyā

chashm-o-lab-o-ruKHsar par bose diye

hum ne zara si der mein kya kya kiya

isī dasht meñ ham kabhī kho.e the

isī dasht ke rahnumā ban ga.e

isi dasht mein hum kabhi khoe the

isi dasht ke rahnuma ban gae