zamāne se mohabbat kā abhī tak

ye hāsil hai ki kuchh hāsil nahīñ hai

zamane se mohabbat ka abhi tak

ye hasil hai ki kuchh hasil nahin hai

kyā tujhe ilm nahīñ terī razā kī ḳhātir

maiñ ne kis kis ko zamāne meñ ḳhafā rakkhā hai

kya tujhe ilm nahin teri raza ki KHatir

main ne kis kis ko zamane mein KHafa rakkha hai

umr lag jaatī hai ik ghar ko banāne meñ hameñ

makaḌiyāñ roz hī bun letī haiñ jaale kaise

umr lag jati hai ek ghar ko banane mein hamein

makaDiyan roz hi bun leti hain jale kaise

kisī ke lams kī tāsīr hai ki barsoñ ba.ad

mirī kitāboñ meñ ab bhī gulāb jāgte haiñ

kisi ke lams ki tasir hai ki barson baad

meri kitabon mein ab bhi gulab jagte hain