chaTak meñ ġhunche kī vo saut-e-jāñ-fazā to nahīñ

sunī hai pahle bhī āvāz ye kahīñ maiñ ne

chaTak mein ghunche ki wo saut-e-jaan-faza to nahin

suni hai pahle bhi aawaz ye kahin main ne

fareb-e-jalva kahāñ tak ba-rū-e-kār rahe

naqāb uThāo ki kuchh din zarā bahār rahe

fareb-e-jalwa kahan tak ba-ru-e-kar rahe

naqab uThao ki kuchh din zara bahaar rahe

guftugū-e-sūrat-o-ma.anī hai unvān-e-hayāt

khelte haiñ vo mirī fitrat kī hairānī ke saath

guftugu-e-surat-o-mani hai unwan-e-hayat

khelte hain wo meri fitrat ki hairani ke sath

mujhī ko parda-e-hastī meñ de rahā hai fareb

vo husn jis ko kiyā jalva-āfrīñ maiñ ne

mujhi ko parda-e-hasti mein de raha hai fareb

wo husn jis ko kiya jalwa-afrin main ne

tum ne har zarre meñ barpā kar diyā tūfān-e-shauq

ik tabassum is qadar jalvoñ kī tuġhyānī ke saath

tum ne har zarre mein barpa kar diya tufan-e-shauq

ek tabassum is qadar jalwon ki tughyani ke sath