us be-ḳhabar kī niiñd kā 'ālam na pūchhiye

takiya kahīñ hai zulf kahīñ aur kahīñ badan

us be-KHabar ki nind ka 'alam na puchhiye

takiya kahin hai zulf kahin aur kahin badan

tū to mahloñ meñ rahtī hai ye tujh ko mā'lūm nahīñ

sahrāoñ meñ maiñ bhaTkā huuñ hijr kī vahshat mujh se pūchh

tu to mahlon mein rahti hai ye tujh ko ma'lum nahin

sahraon mein main bhaTka hun hijr ki wahshat mujh se puchh

ehsās-e-tishnagī na thā sahrā meñ kuchh magar

lab ḳhushk ho rahe haiñ samundar ko dekh kar

ehsas-e-tishnagi na tha sahra mein kuchh magar

lab KHushk ho rahe hain samundar ko dekh kar

hijr kā maarā huuñ Table par yahī sab pāoge

adh-likhe ḳhat bikhrā album aur ḳhālī botaleñ

hijr ka mara hun Table par yahi sab paoge

adh-likhe KHat bikhra album aur KHali botalen

'ishq meñ koī bhī sarhad hameñ manzūr nahīñ

'ishq sarhad ke to us paar bhī ho saktā

'ishq mein koi bhi sarhad hamein manzur nahin

'ishq sarhad ke to us par bhi ho sakta

jin ke dāman meñ mere ḳhuun ke chhīñTe the 'asar'

ab vo shaffāf libāsoñ meñ nazar aate haiñ

jin ke daman mein mere KHun ke chhinTe the 'asar'

ab wo shaffaf libason mein nazar aate hain

ḳhvāb ke jaisā na paayā ḳhvāb kī tā'bīr se

dard vahshat hijr sahrā hī milā taqdīr se

KHwab ke jaisa na paya KHwab ki ta'bir se

dard wahshat hijr sahra hi mila taqdir se

jo pahle aañkh se ojhal huā thā

vo ab dil se bhī ruḳhsat ho rahā hai

jo pahle aankh se ojhal hua tha

wo ab dil se bhi ruKHsat ho raha hai

tumhāre hijr ne hī to hameñ shā'ir banāyā hai

tumhāre hijr pe ham ko ka.ī dīvān likhne haiñ

tumhaare hijr ne hi to hamein sha'ir banaya hai

tumhaare hijr pe hum ko kai diwan likhne hain

talḳhī ke saath kiije na tark-e-ta'alluqāt

chubhtā rahegā varna ye lahja tamām 'umr

talKHi ke sath kije na tark-e-ta'alluqat

chubhta rahega warna ye lahja tamam 'umr