hamārī zindagī kyā hai mohabbat hī mohabbat hai

tumhārā bhī yahī dastūr ban jaa.e to achchhā ho

hamari zindagi kya hai mohabbat hi mohabbat hai

tumhaara bhi yahi dastur ban jae to achchha ho

nafrat se mohabbat ko sahāre bhī mile haiñ

tūfān ke dāman meñ kināre bhī mile haiñ

nafrat se mohabbat ko sahaare bhi mile hain

tufan ke daman mein kinare bhi mile hain

rāz-e-ġham-e-ulfat ko ye duniyā na samajh le

aañsū mire dāman meñ tumhāre bhī mile haiñ

raaz-e-gham-e-ulfat ko ye duniya na samajh le

aansu mere daman mein tumhaare bhi mile hain

vo to thā aadmī kī tarah 'zahīr'

us kā chehra farishtoñ jaisā thā

wo to tha aadmi ki tarah 'zahir'

us ka chehra farishton jaisa tha

zarā parda haTā do sāmne se bijliyāñ chamkeñ

mirā dil jalva-gāh-e-tūr ban jaa.e to achchhā ho

zara parda haTa do samne se bijliyan chamken

mera dil jalwa-gah-e-tur ban jae to achchha ho