ḳhush-nasībī hai tumhārī sar pe hai jo maañ kā haath

ham yatīmoñ ko pata hai ye du'ā kyā chiiz hai

KHush-nasibi hai tumhaari sar pe hai jo man ka hath

hum yatimon ko pata hai ye du'a kya chiz hai

ġhamoñ ko bech rahā huuñ maiñ is liye shāyad

kahā thā baap ne paisa bahut zarūrī hai

ghamon ko bech raha hun main is liye shayad

kaha tha bap ne paisa bahut zaruri hai

mujhe pata hai usī ne chalā.ī hai golī

nahīñ hai dasht meñ sayyād dūsrā koī

mujhe pata hai usi ne chalai hai goli

nahin hai dasht mein sayyaad dusra koi

ab āstīn ke sāñpoñ se duur rahnā hai

use kaho na kare phone baar baar mujhe

ab aastin ke sanpon se dur rahna hai

use kaho na kare phone bar bar mujhe

ik din dil-e-nādāñ ko samajh aa.egā sab kuchh

'ayyār nahīñ hai magar andhā bhī nahīñ hai

ek din dil-e-nadan ko samajh aaega sab kuchh

'ayyar nahin hai magar andha bhi nahin hai

maiñ ne dafnā.e vāldain apne

mujh se pūchho ki hausla kyā hai

main ne dafnae waldain apne

mujh se puchho ki hausla kya hai

dhueñ ne bhīñch dī chīḳheñ tabhī pata ye chalā

ki ghar meñ ek darīcha bahut zarūrī hai

dhuen ne bhinch di chiKHen tabhi pata ye chala

ki ghar mein ek daricha bahut zaruri hai

shab-e-ġham kī yuuñ bhī maiñ kartā huuñ 'izzat

ye shab 'umr meñ mujh se kaafī baḌī hai

shab-e-gham ki yun bhi main karta hun 'izzat

ye shab 'umr mein mujh se kafi baDi hai

us ne rakkhā thā haath sāhil par

tab se dariyā meñ bhī sharāre haiñ

us ne rakkha tha hath sahil par

tab se dariya mein bhi sharare hain

sab yaar sochte the rahegā vahī samāñ

ik maiñ hī bas bachā huuñ koī sau pachās meñ

sab yar sochte the rahega wahi saman

ek main hi bas bacha hun koi sau pachas mein

kuchh der to Dare tirī jādūgarī se ham

phir dekhne lage tujhe sanjīdgī se ham

kuchh der to Dare teri jadugari se hum

phir dekhne lage tujhe sanjidgi se hum

saath jab chhoḌ ga.e merā tum ai kūza-gar

ḳhud ko majbūrī meñ phir ḳhud hī tarāshā maiñ ne

sath jab chhoD gae mera tum ai kuza-gar

KHud ko majburi mein phir KHud hi tarasha main ne