ham ek jaañ hī sahī dil to apne apne the

kahīñ kahīñ se fasāna judā to honā thā

hum ek jaan hi sahi dil to apne apne the

kahin kahin se fasana juda to hona tha

maiñ aa.ina thā chhupātā kisī ko kyā rāhat

vo dekhtā mujhe jab bhī ḳhafā to honā thā

main aaina tha chhupata kisi ko kya rahat

wo dekhta mujhe jab bhi KHafa to hona tha

ab anāsir meñ tavāzun DhūñDne jaa.eñ kahāñ

ham jise hamrāz samjhe pāsbāñ niklā tirā

ab anasir mein tawazun DhunDne jaen kahan

hum jise hamraaz samjhe pasban nikla tera

zaat ke parde se bāhar aa ke bhī tanhā rahūñ

maiñ agar huuñ ajnabī to mere ghar meñ kaun hai

zat ke parde se bahar aa ke bhi tanha rahun

main agar hun ajnabi to mere ghar mein kaun hai

shor kartā phir rahā huuñ ḳhushk pattoñ kī tarah

koī to pūchhe ki shahr-e-be-ḳhabar meñ kaun hai

shor karta phir raha hun KHushk patton ki tarah

koi to puchhe ki shahr-e-be-KHabar mein kaun hai