ruuh se lipTe dard ke manzar

TuuT rahe haiñ zaḳhm ke paikar

ruh se lipTe dard ke manzar

TuT rahe hain zaKHm ke paikar

hogī na chārāgar tirī tadbīr kārgar

ham ko ḳhud apne zaḳhmoñ kī chāhat hai āj-kal

hogi na chaaragar teri tadbir kargar

hum ko KHud apne zaKHmon ki chahat hai aaj-kal

furqat kī shab ḳhāmoshiyāñ zaḳhmoñ kī phir añgḌā.iyāñ

āñkheñ jab apnī nam huiiñ bechārgī achchhī lagī

furqat ki shab KHamoshiyan zaKHmon ki phir angDaiyan

aankhen jab apni nam huin bechaargi achchhi lagi

vaqār-e-shauq se gir kar bhī vaar mat karnā

mile jo zaḳhmī parinda shikār mat karnā

waqar-e-shauq se gir kar bhi war mat karna

mile jo zaKHmi parinda shikar mat karna

dil ke zaḳhmoñ ko sajāne kā hunar rakhtā huuñ

mustaqil maiñ tirī yādoñ kā safar rakhtā huuñ

dil ke zaKHmon ko sajaane ka hunar rakhta hun

mustaqil main teri yaadon ka safar rakhta hun

ham apne zaḳhmoñ pe rakh leñ namak zarūrī hai

dayār-e-ishq meñ un kī mahak zarūrī hai

hum apne zaKHmon pe rakh len namak zaruri hai

dayar-e-ishq mein un ki mahak zaruri hai

dard ne lī añgḌā.ī aisī

zaḳhm kā ik ik Tāñkā TuuTā

dard ne li angDai aisi

zaKHm ka ek ek Tanka TuTa