bas itnā sā hai ḳhulāsa mirī kahānī kā

ki ibtidā tirī āñkheñ haiñ intihā mirā 'ishq

bas itna sa hai KHulasa meri kahani ka

ki ibtida teri aankhen hain intiha mera 'ishq

hākim-e-shahr kī ḳhvāhish ki hukūmat kī jaa.e

varna hālāt to aise haiñ ki hijrat kī jaa.e

hakim-e-shahr ki KHwahish ki hukumat ki jae

warna haalat to aise hain ki hijrat ki jae

is liye kashkol meñ paḌtī hai bhiik

ham ne hai lāThī se laTkāyā huā

is liye kashkol mein paDti hai bhik

hum ne hai laThi se laTkaya hua

kahīñ bhī baat ho merā havāla aa hī jaatā hai

mohabbat ne bachāyā hai mujhe gumnām hone se

kahin bhi baat ho mera hawala aa hi jata hai

mohabbat ne bachaya hai mujhe gumnam hone se

maiñ chāhtā huuñ ki tujh sā dikhā.ī duuñ maiñ bhī

jamāl-e-yār kabhī mere ḳhadd-o-ḳhāl meñ aa

main chahta hun ki tujh sa dikhai dun main bhi

jamal-e-yar kabhi mere KHadd-o-KHal mein aa