alvidā'ī shaam aa pahuñchī yahāñ

chup hai tū merā ḳhudā hote hue

alwida'i sham aa pahunchi yahan

chup hai tu mera KHuda hote hue

abhī to ḳhush huuñ tire 'ishq meñ bahut ḳhush huuñ

ye ek din mirā jiinā 'azāb kar degā

abhi to KHush hun tere 'ishq mein bahut KHush hun

ye ek din mera jina 'azab kar dega

balcony pe khaḌī laḌkiyāñ kab sochtī haiñ

ye jagah Thiik nahīñ ā.ina-dārī ke liye

balcony pe khaDi laDkiyan kab sochti hain

ye jagah Thik nahin aaina-dari ke liye

tū batā kaise guzārī shab-e-hijrāñ tū ne

maiñ to jab ro na sakā maiñ ne ġhazal-ḳhvānī kī

tu bata kaise guzari shab-e-hijran tu ne

main to jab ro na saka main ne ghazal-KHwani ki

kahīñ bhī baat ho merā havāla aa hī jaatā hai

mohabbat ne bachāyā hai mujhe gumnām hone se

kahin bhi baat ho mera hawala aa hi jata hai

mohabbat ne bachaya hai mujhe gumnam hone se