baañT Daale aise ham ne dil ke TukḌe kaaT kar

janm din pe bāñTte haiñ cake jaise kaaT kar

banT Dale aise hum ne dil ke TukDe kaT kar

janm din pe banTte hain cake jaise kaT kar

ek din yuuñ hī lagā mujh ko gināne aib mere

vo bhalā kis muñh se kahtā chhoḌ jaanā chāhtā hai

ek din yun hi laga mujh ko ginane aib mere

wo bhala kis munh se kahta chhoD jaana chahta hai

jaane kaise sab miTā dete haiñ dil se yādoñ ko

ham se photo wallpaper se haTāyā na gayā

jaane kaise sab miTa dete hain dil se yaadon ko

hum se photo wallpaper se haTaya na gaya

koī le le fauran us ke haath se ġhubbāre saare

ek bachcha jaane kab se muskurānā chāhtā hai

koi le le fauran us ke hath se ghubbare sare

ek bachcha jaane kab se muskurana chahta hai

rok bhī to ham nahīñ sakte the jaane vaale ko

baad us ke dil kisī se bhī lagāyā na gayā

rok bhi to hum nahin sakte the jaane wale ko

baad us ke dil kisi se bhi lagaya na gaya