kyā kahūñ kitnā fuzūñ hai tere dīvāne kā dukh

ik taraf jaane kā ġham hai ik taraf aane kā dukh

kya kahun kitna fuzun hai tere diwane ka dukh

ek taraf jaane ka gham hai ek taraf aane ka dukh

mumkin hai yahī dil ke milāne kā sabab ho

ye rut jo hameñ haath milāne nahīñ detī

mumkin hai yahi dil ke milane ka sabab ho

ye rut jo hamein hath milane nahin deti

dekh ai merī zabūñ-hālī pe hañsne vaale

vaqt kī dhuup ne kis darja nikhārā mujh ko

dekh ai meri zabun-haali pe hansne wale

waqt ki dhup ne kis darja nikhaara mujh ko

bas itnā rabt kaafī hai mujhe ai bhūlne vaale

tirī soī huī āñkhoñ meñ akasr jāgtā huuñ maiñ

bas itna rabt kafi hai mujhe ai bhulne wale

teri soi hui aankhon mein akasr jagta hun main

na jaane us ne khule āsmāñ meñ kyā dekhā

parinda phir se jahān-e-qafas meñ lauT aayā

na jaane us ne khule aasman mein kya dekha

parinda phir se jahan-e-qafas mein lauT aaya