fikr-e-jahān dard-e-mohabbat firāq-e-yār

kyā kahiye kitne ġham haiñ mirī zindagī ke saath

fikr-e-jahan dard-e-mohabbat firaq-e-yar

kya kahiye kitne gham hain meri zindagi ke sath

hai ajab sī kashmakash dil meñ 'asar'

kis ko bhūleñ kis ko rakkheñ yaad ham

hai ajab si kashmakash dil mein 'asar'

kis ko bhulen kis ko rakkhen yaad hum

ham hue dasht-e-navard phir bhī na dekhā tujh ko

zindagī itnā batā de tū kahāñ hotī hai

hum hue dasht-e-naward phir bhi na dekha tujh ko

zindagi itna bata de tu kahan hoti hai

kitnā mushkil hai ḳhud-baḳhud ronā

be-ḳhudī se rihā kare koī

kitna mushkil hai KHud-baKHud rona

be-KHudi se riha kare koi

saaya bhī saath chhoḌ gayā ab to ai 'asar'

phir kis liye maiñ aaj ko kal se judā karūñ

saya bhi sath chhoD gaya ab to ai 'asar'

phir kis liye main aaj ko kal se juda karun