jise kabhī sar-e-mimbar na kah sakā vaa.iz

vo baat ahl-e-junūñ zer-e-dār kahte haiñ

jise kabhi sar-e-mimbar na kah saka waiz

wo baat ahl-e-junun zer-e-dar kahte hain

is ek baat se gulchīñ kā dil dhaḌaktā hai

ki ham sabā se hadīs-e-bahār kahte haiñ

is ek baat se gulchin ka dil dhaDakta hai

ki hum saba se hadis-e-bahaar kahte hain

ġhubār sā hai sar-e-shāḳh-sār kahte haiñ

chalā hai qāfila-e-nau-bahār kahte haiñ

ghubar sa hai sar-e-shaKH-sar kahte hain

chala hai qafila-e-nau-bahaar kahte hain