آج بھی نقش ہیں دل پر تری آہٹ کے نشاں

ہم نے اس راہ سے اوروں کو گزرنے نہ دیا

یاد رکھنا بھی اک عبادت ہے

کیوں نہ ہم ان کا حافظہ ہو جائیں

اک لفظ یاد تھا مجھے ترک وفا مگر

بھولا ہوا ہوں ٹھوکریں کھانے کے بعد بھی

آؤ تو میرے صحن میں ہو جائے روشنی

مدت گزر گئی ہے چراغاں کئے ہوئے

سویرا لے کے آتا ہے مرے خوابوں کی تعبیریں

مگر جب شام ہوتی ہے تو ان کی یاد آتی ہے

ہوش و حواس کھونے لگا ہوں فراق میں

تنہائیوں نے ایسا مقفل کیا مجھے

زندگی کی حقیقت عجب ہو گئی

آج کل ہو رہی ہے بسر خواب میں

تمام دن کی مشقت بھری تکان کے بعد

تمام رات محبت سے پھر جگاؤں اسے

ہر شخص معترف کہ محب وطن ہوں میں

پھر عدلیہ نے کیوں سر مقتل کیا مجھے