agar nazāra hai manzūr ḳhastā-hāloñ kā

to aao khol deñ juuḌā tumhāre bāloñ kā

agar nazara hai manzur KHasta-haalon ka

to aao khol den juDa tumhaare baalon ka

apnā saanī vo aap hī nikle

aa.ina bhī dikhā ke dekh liyā

apna sani wo aap hi nikle

aaina bhi dikha ke dekh liya

apne mauqe pe har ik baat bhalī hotī hai

shab-e-furqat meñ ye sadme bhī mazā dete haiñ

apne mauqe pe har ek baat bhali hoti hai

shab-e-furqat mein ye sadme bhi maza dete hain

tire kūche meñ koī huur aa jaatī to maiñ kahtā

ki vo jannat to kyā jannat hai jannat aisī hotī hai

tere kuche mein koi hur aa jati to main kahta

ki wo jannat to kya jannat hai jannat aisi hoti hai

zikr kartā hai is tarah merā

mujh ko goyā miTā.e jaatā hai

zikr karta hai is tarah mera

mujh ko goya miTae jata hai