falak se roz utarte haiñ raushnī ke ḳhutūt

magar na chamke muqaddar ġharīb-ḳhānoñ ke

falak se roz utarte hain raushni ke KHutut

magar na chamke muqaddar gharib-KHanon ke

ab to chalnā hai kisī aur hī raftār ke saath

jism bistar pe girā.ūñgā chalā jā.ūñgā

ab to chalna hai kisi aur hi raftar ke sath

jism bistar pe giraunga chala jaunga

basīt-e-dasht kī hurmat ko bām-o-dar de de

mire ḳhudāyā mujhe bhī to ek ghar de de

basit-e-dasht ki hurmat ko baam-o-dar de de

mere KHudaya mujhe bhi to ek ghar de de