mujhe chhoḌ kar jo chalā gayā use yaad karne se kyā ġharaz

jo Thahar ga.e unheñ shukriya jo chale ga.e unheñ alvidāa’

mujhe chhoD kar jo chala gaya use yaad karne se kya gharaz

jo Thahar gae unhen shukriya jo chale gae unhen alwidaa’

tum se bichhaḌ ke phir koī hasrat nahīñ bachī

phir tere jaise shaḳhs se milnā nahīñ huā

tum se bichhaD ke phir koi hasrat nahin bachi

phir tere jaise shaKHs se milna nahin hua

ek 'arse ke baa'd maiñ ne tumheñ dekhā hai

ek 'arse ke baa'd phir se mujhe pyaar huā

ek 'arse ke ba'd main ne tumhein dekha hai

ek 'arse ke ba'd phir se mujhe pyar hua

ye maiñ ne kab kahā thā mujhe pyaar hī karo

lekin ye chāhne meñ koī harj to nahīñ

ye main ne kab kaha tha mujhe pyar hi karo

lekin ye chahne mein koi harj to nahin

man meñ aayā pahle tum ko tā'ne duuñ

ḳhair haTāo aur batāo kaise ho

man mein aaya pahle tum ko ta'ne dun

KHair haTao aur batao kaise ho

mujhe mat chheḌiye yāroñ ki ab maiñ

bahut uktā gayā huuñ ro paḌūñgā

mujhe mat chheDiye yaron ki ab main

bahut ukta gaya hun ro paDunga

yaar kisī ke ġham meñ tum mar jāoge

aur usī din maiñ pāgal ho jā.ūñgā

yar kisi ke gham mein tum mar jaoge

aur usi din main pagal ho jaunga

yaar bhalā kitnī bātoñ par hañsnā hai

hañste-hañste ham pāgal ho sakte haiñ

yar bhala kitni baaton par hansna hai

hanste-hanste hum pagal ho sakte hain

bārish ne ik ThanDak lā dī hai man meñ

lekin mujh ko aag lagānī hai phir se

barish ne ek ThanDak la di hai man mein

lekin mujh ko aag lagani hai phir se

duniyā tire surāġh ko ab pā gayā huuñ maiñ

lailā se lā-ilāh talak aa gayā huuñ maiñ

duniya tere suragh ko ab pa gaya hun main

laila se la-ilah talak aa gaya hun main

har ik aañsū kā badlā ho saktā hai

ye motī angāre bhī ban sakte haiñ

har ek aansu ka badla ho sakta hai

ye moti angare bhi ban sakte hain

zinda rahte milne vaale lākhoñ haiñ

mayyat par har girtā aañsū daulat hai

zinda rahte milne wale lakhon hain

mayyat par har girta aansu daulat hai