badal gayā hai zamāna badal ga.ī duniyā

na ab vo maiñ huuñ mirī jaañ na ab vo tū tū hai

badal gaya hai zamana badal gai duniya

na ab wo main hun meri jaan na ab wo tu tu hai

ḳhushk rut meñ is jagah ham ne banāyā thā makān

ye nahīñ mālūm thā ye rāsta paanī kā hai

KHushk rut mein is jagah hum ne banaya tha makan

ye nahin malum tha ye rasta pani ka hai

log kahte haiñ ki vo shaḳhs hai ḳhushbū jaisā

saath shāyad use le aa.e havā dekhte haiñ

log kahte hain ki wo shaKHs hai KHushbu jaisa

sath shayad use le aae hawa dekhte hain

sīkhā na duāoñ meñ qanā.at kā salīqa

vo maañg rahā huuñ jo muqaddar meñ nahīñ hai

sikha na duaon mein qanaat ka saliqa

wo mang raha hun jo muqaddar mein nahin hai

tirī zamīn pe kartā rahā huuñ mazdūrī

hai sūkhne ko pasīna muāvza hai kahāñ

teri zamin pe karta raha hun mazduri

hai sukhne ko pasina muawza hai kahan