vo saaḌī jewellery ke tahā.if pe thī ba-zid

ham sau ruupe kī shaal se aage nahīñ ga.e

wo saDi jewellery ke tahaif pe thi ba-zid

hum sau rupe ki shaal se aage nahin gae

hai kāmyābī-e-mardāñ meñ haath aurat kā

magar tū ek hī aurat pe inhisār na kar

hai kaamyabi-e-mardan mein hath aurat ka

magar tu ek hi aurat pe inhisar na kar

maiñ ek borī meñ laayā huuñ bhar ke mūñg-phalī

kisī ke saath december kī raat kāTnī hai

main ek bori mein laya hun bhar ke mung-phali

kisi ke sath december ki raat kaTni hai

vo aftārī se pahle chakhte chakhte

khujūreñ aur pakauḌe khā chukā hai

wo aftari se pahle chakhte chakhte

khujuren aur pakauDe kha chuka hai

vo tiis saal se hai faqat biis saal kī

chehre pe aa chukī hai buzurgī jamāl kī

wo tis sal se hai faqat bis sal ki

chehre pe aa chuki hai buzurgi jamal ki