kyā ḳhuub mere baḳht kī manDve chaḌhī hai bel

nā baaġh na bahār na kāñTā nā phuul huuñ

kya KHub mere baKHt ki manDwe chaDhi hai bel

na bagh na bahaar na kanTa na phul hun

dekhte dekhte sitam terā

saḳht nāshād ho gayā hai dil

dekhte dekhte sitam tera

saKHt nashad ho gaya hai dil

kyā fā.eda hai qissa-e-rizvān se tujhe

koī sham.a-rū parī sate tū bhī lagan lagā

kya faeda hai qissa-e-rizwan se tujhe

koi shama-ru pari sate tu bhi lagan laga

maiñ tere hijr meñ jiine se ho gayā thā udaas

pe garm-joshī se kyā kyā manāyā ashk mirā

main tere hijr mein jine se ho gaya tha udas

pe garm-joshi se kya kya manaya ashk mera

sar-e-saudā pe tire sher-e-rasā se 'āgāh'

silsila hashr kā barpā na huā thā so huā

sar-e-sauda pe tere sher-e-rasa se 'agah'

silsila hashr ka barpa na hua tha so hua