دانش نقوی کی شاعری

دانش نقوی کے اشعار

دیکھو مجھے اب میری جگہ سے نہ ہلانا

پھر تم مجھے ترتیب سے رکھ کر نہیں جاتے

ایسی تصویر بنا روتے ہوئے خوش بھی لگوں

غم کی ترسیل تو ہو غم کا تماشہ نہ بنے

تو دیکھ لینا ہمارے بچوں کے بال جلدی سفید ہوں گے

ہماری چھوڑی ہوئی اداسی سے سات نسلیں اداس ہوں گی

جاتے ہوئے کمرے کی کسی چیز کو چھو دے

میں یاد کروں گا کہ ترے ہاتھ لگے تھے

یہ جس کی بیٹی کے سر کی چادر کئی جگہ سے پھٹی ہوئی ہے

تم اس کے گاؤں میں جا کے دیکھو تو آدھی فصلیں کپاس ہوں گی