apno.n ke sitam yaad na Gairo.n kii jafaa yaad vo ha.ns ke zaraa bole to kuchh bhii na rahaa yaad kyaa lutf uThaa.egaa jahaan-e-guzaraa.n kaa vo shaKHs ki jis shaKHs ko rahtii ho qazaa yaad ham kaag u.Daa dete hai.n botal kaa usii vaqt garmii me.n bhii aa jaatii hai jab kaalii ghaTaa yaad mahshar me.n bhii ham terii shikaayat na kare.nge aa jaa.egii us din bhii hame.n shart-e-vafaa yaad pii lii to KHudaa ek tamaashaa nazar aayaa aayaa bhii to aayaa hame.n kis vaqt KHudaa yaad allaah tiraa shukr ki ummiid-e-karam hai allaah tiraa shukr ki us ne bhii kiyaa yaad kal tak tire baa.is mai.n use bhuulaa hu.aa thaa kyuu.n aane lagaa phir se mujhe aaj KHudaa yaad