achchhā huā zabān-e-ḳhamoshī na tum paḌhe

shikve mire vagarna rulāte tumheñ bahut

achchha hua zaban-e-KHamoshi na tum paDhe

shikwe mere wagarna rulate tumhein bahut

ki hai muḳhtasar dāstāñ ishq kī

gale mil ke koī gale paḌ gayā

ki hai muKHtasar dastan ishq ki

gale mil ke koi gale paD gaya

vatan-parastī hamārā maz.hab haiñ jism-o-jāñ mulk kī amānat

kareñge barpā qahr adū par rahegā daa.im vatan salāmat

watan-parasti hamara mazhab hain jism-o-jaan mulk ki amanat

karenge barpa qahr adu par rahega daim watan salamat

ye kaisī bad-duā dī hai kisī ne

samundar huuñ magar khārā huā huuñ

ye kaisi bad-dua di hai kisi ne

samundar hun magar khaara hua hun

thā kabhī un kī nigāhoñ meñ buland apnā maqām

itnī ūñchā.ī se gir kar bhī koī bachtā hai

tha kabhi un ki nigahon mein buland apna maqam

itni unchai se gir kar bhi koi bachta hai