marāsim barf meñ dabne na paa.eñ

qarīb aao december aa rahā hai

marasim barf mein dabne na paen

qarib aao december aa raha hai

mujh ko saphaltā baiThe biThā.e nahīñ milī

maiñ ne guhar talāshe haiñ dariyā khañgāl kar

mujh ko saphalta baiThe biThae nahin mili

main ne guhar talashe hain dariya khangal kar

kar ke tārīf vo mirī jhūTī

zahr dhīmā chaTā gayā hai mujhe

kar ke tarif wo meri jhuTi

zahr dhima chaTa gaya hai mujhe

dekho to kaam ek bhī ham ne kahāñ kiyā

pūchho to ek pal kī bhī fursat nahīñ rahī

dekho to kaam ek bhi hum ne kahan kiya

puchho to ek pal ki bhi fursat nahin rahi

juḌā hī rahtā hai mamtā kī garbhnāl se vo

vajūd beTe kā maañ se judā nahīñ hotā

juDa hi rahta hai mamta ki garbhnal se wo

wajud beTe ka man se juda nahin hota