یاد تھا سقراطؔ کا قصہ سبھی کو احترامؔ

سوچئے ایسے میں بڑھ کر سچ کو سچ کہتا تو کون

لڑکھڑا کر گر پڑی اونچی عمارت دفعتاً

دفعتاً تعمیر کی کرسی پہ کھنڈر جم گیا

توقیر اندھیروں کی بڑھا دی گئی شاید

اک شمع جو روشن تھی بجھا دی گئی شاید

ساتھ رکھئے کام آئے گا بہت نام خدا

خوف گر جاگا تو پھر کس کو صدا دی جائے گی

شعر کے روپ میں دیتے رہنا

احترامؔ اپنی خبر آگے بھی

اس بار بھی شعلوں نے مچا ڈالی تباہی

اس بار بھی شعلوں کو ہوا دی گئی شاید

اسی سے مجھ کو ملا اشتیاق منزل کا

مرے سفر کو فضائے سفر اسی سے ملی

اہل دنیا سے مجھے تو کوئی اندیشہ نہ تھا

نام تیرا کس لئے مرے لبوں پر جم گیا