maiñ ik mazdūr huuñ roTī kī ḳhātir bojh uThātā huuñ

mirī qismat hai bār-e-hukmarānī pusht par rakhnā

main ek mazdur hun roTi ki KHatir bojh uThata hun

meri qismat hai bar-e-hukmarani pusht par rakhna

tū mard-e-momin hai apnī manzil ko āsmānoñ pe dekh nādāñ

ki rāh-e-zulmat meñ saath degā koī charāġh-e-alīl kab tak

tu mard-e-momin hai apni manzil ko aasmanon pe dekh nadan

ki rah-e-zulmat mein sath dega koi charagh-e-alil kab tak

ye duniyā hai yahāñ aslī kahānī pusht par rakhnā

laboñ par pyaas rakhnā aur paanī pusht par rakhnā

ye duniya hai yahan asli kahani pusht par rakhna

labon par pyas rakhna aur pani pusht par rakhna

tire badan kī nazākatoñ kā huā hai jab ham-rikāb mausam

nazar nazar meñ khilā gayā hai sharāratoñ ke gulāb mausam

tere badan ki nazakaton ka hua hai jab ham-rikab mausam

nazar nazar mein khila gaya hai shararaton ke gulab mausam

shu.ūr-e-nau-umr huuñ na mujh ko matā-e-rañj-o-malāl denā

ki mujh ko aatā nahīñ ġhamoñ ko ḳhushī ke sāñchoñ maiñ Dhaal denā

shuur-e-nau-umr hun na mujh ko mata-e-ranj-o-malal dena

ki mujh ko aata nahin ghamon ko KHushi ke sanchon main Dhaal dena