guḌ siiñ mīThā hai bosa tujh lab kā

is jalebī meñ qand o shakkar hai

guD sin miTha hai bosa tujh lab ka

is jalebi mein qand o shakkar hai

jab sajīle ḳhirām karte haiñ

har taraf qatl-e-ām karte haiñ

jab sajile KHiram karte hain

har taraf qatl-e-am karte hain

tere milāp bin nahīñ 'fā.ez' ke dil ko chain

jyuuñ ruuh ho basā hai tū us ke badan meñ aa

tere milap bin nahin 'faez' ke dil ko chain

jyun ruh ho basa hai tu us ke badan mein aa

ushshāq jāñ-ba-kaf khaḌe haiñ tere ās-pās

ai dil-rubā-e-ġhārat-e-jāñ apne fan meñ aa

ushshaq jaan-ba-kaf khaDe hain tere aas-pas

ai dil-ruba-e-ghaarat-e-jaan apne fan mein aa

vahī qadr 'fā.ez' kī jaane bahut

jise ishq kā zaḳhm kaarī lage

wahi qadr 'faez' ki jaane bahut

jise ishq ka zaKHm kari lage