ham bhuul ga.e ahd-o-karam tere sitam bhī

ab tujh se zamāne se gila kuchh bhī nahīñ hai

hum bhul gae ahd-o-karam tere sitam bhi

ab tujh se zamane se gila kuchh bhi nahin hai

is terī mohabbat meñ milā kuchh bhī nahīñ hai

maiñ jaan ga.ī huuñ ki sila kuchh bhī nahīñ hai

is teri mohabbat mein mila kuchh bhi nahin hai

main jaan gai hun ki sila kuchh bhi nahin hai

na us meñ phuul khilā aur na koī ḳhvāb ugā

ki sanglāḳh bahut thī zamīñ haqīqat kī

na us mein phul khila aur na koi KHwab uga

ki sanglaKH bahut thi zamin haqiqat ki

nahīñ nasīb meñ manzil to rāste kyoñ haiñ

tavīl-tar ye judā.ī ke silsile kyoñ haiñ

nahin nasib mein manzil to raste kyon hain

tawil-tar ye judai ke silsile kyon hain

us kā milnā hai ajab tarah kā mujh se milnā

dasht-e-imkān meñ ho phūloñ kā jaise khilnā

us ka milna hai ajab tarah ka mujh se milna

dasht-e-imkan mein ho phulon ka jaise khilna