فرحان دل کی شاعری

فرحان دل کے اشعار

اپنی تعریف سن کے خوش مت ہو

ورنہ دل میں غرور پلتا ہے

عقل یوں ہی کسے ملی ہے دوست

تجربہ آگہی میں ڈھلتا ہے

تم جہاں ہو وہاں یہ یاد رکھو

ہر ستارہ جگہ بدلتا ہے

زہر جب آدمی اگلتا ہے

تب مقابل کہاں سنبھلتا ہے

اتنی جھیلی ہے دل نے مایوسی

لا شعوری میں ہاتھ ملتا ہے

آئنے سے بنائے رکھ ہر دم

آئنہ شخصیت بدلتا ہے

کیا ضروری ہے ساتھ دیں ساتھی

یوں تو سایہ بھی ساتھ چلتا ہے

شمع کا جسم روز جلتا ہے

تبصرہ روشنی پہ چلتا ہے

اشک جو آنکھ سے نکلتا ہے

حدت غم سے دل پگھلتا ہے