علاج اپنا کراتے پھر رہے ہو جانے کس کس سے محبت کر کے دیکھو نا محبت کیوں نہیں کرتے

جو عشق چاہتا ہے وہ ہونا نہیں ہے آج خود کو بحال کرنا ہے کھونا نہیں ہے آج آنکھوں نے دیکھتے ہی اسے غل مچا دیا طے تو یہی ہوا تھا کہ رونا نہیں ہے آج یہ رات اہل_ہجر کے خوابوں کی رات ہے قصہ تمام کرنا ہے سونا نہیں ہے آج جو اپنے گھر میں ہے وہ ہے بازار میں نہیں ہونا کسی کا شہر میں ہونا نہیں ہے آج پھر طفل_دل ہے دولت_دنیا پہ گریہ_بار اور میرے پاس کوئی کھلونا نہیں ہے آج

وہ چاند کہہ کے گیا تھا کہ آج نکلے_گا تو انتظار میں بیٹھا ہوا ہوں شام سے میں

عید خوشیوں کا دن سہی لیکن اک اداسی بھی ساتھ لاتی ہے زخم ابھرتے ہیں جانے کب کب کے جانے کس کس کی یاد آتی ہے

راہ کی کچھ تو رکاوٹ یار کم کر دیجیے آپ اپنے گھر کی اک دیوار کم کر دیجیے آپ کا عاشق بہت کمزور دل کا ہے حضور دیکھیے یہ شدت_انکار کم کر دیجیے میں بھی ہونٹوں سے کہوں_گا کم کریں جلنے کا شوق آپ اگر سرگرمیٔ_رخسار کم کر دیجیے ایک تو شرم آپ کی اور اس پہ تکیہ درمیاں دونوں دیواروں میں اک دیوار کم کر دیجیے آپ تو بس کھولیے لب بوسہ دینے کے لئے بوسہ دینے پر جو ہے تکرار کم کر دیجیے رات کے پہلو میں پھیلا دیجیے زلف_دراز یوں_ہی کچھ طول_شب_بیمار کم کر دیجیے یا ادھر کچھ تیز کر دیجے گھروں کی روشنی یا ادھر کچھ رونق_بازار کم کر دیجیے وہ جو پیچھے رہ گئے ہیں تیز_رفتاری کریں آپ آگے ہیں تو کچھ رفتار کم کر دیجیے ہاتھ میں ہے آپ کے تلوار کیجے قتل_عام ہاں مگر تلوار کی کچھ دھار کم کر دیجیے بس محبت بس محبت بس محبت جان_من باقی سب جذبات کا اظہار کم کر دیجیے شاعری تنہائی کی رونق ہے محفل کی نہیں فرحتؔ_احساس اپنا یہ دربار کم کر دیجیے

کس کی ہے یہ تصویر جو بنتی نہیں مجھ سے میں کس کا تقاضا ہوں کہ پورا نہیں ہوتا

کسی کلی کسی گل میں کسی چمن میں نہیں وہ رنگ ہے ہی نہیں جو ترے بدن میں نہیں

اندر کے حادثوں پہ کسی کی نظر نہیں ہم مر چکے ہیں اور ہمیں اس کی خبر نہیں

کبھی اس روشنی کی قید سے باہر بھی نکلو تم ہجوم_حسن نے سارا سراپا گھیر رکھا ہے

علاج اپنا کراتے پھر رہے ہو جانے کس کس سے محبت کر کے دیکھو نا محبت کیوں نہیں کرتے