aisī ḳhushiyāñ to kitāboñ meñ mileñgī shāyad

ḳhatm ab ghar kā tasavvur hai makāñ baaqī hai

aisi KHushiyan to kitabon mein milengi shayad

KHatm ab ghar ka tasawwur hai makan baqi hai

is tamāshe kā sabab varna kahāñ baaqī hai

ab bhī kuchh log haiñ zinda ki jahāñ baaqī hai

is tamashe ka sabab warna kahan baqi hai

ab bhi kuchh log hain zinda ki jahan baqi hai

jo duur rah ke uḌātā rahā mazāq mirā

qarīb aayā to royā gale lagā ke mujhe

jo dur rah ke uData raha mazaq mera

qarib aaya to roya gale laga ke mujhe

maiñ jis meñ rah na sakā jī-huzūriyoñ ke sabab

ye aadmī hai usī kāmyāb mausam kā

main jis mein rah na saka ji-huzuriyon ke sabab

ye aadmi hai usi kaamyab mausam ka

maiñ us kī bātoñ meñ ġham apnā bhuul jaatā magar

vo shaḳhs rone lagā ḳhud hañsā hañsā ke mujhe

main us ki baaton mein gham apna bhul jata magar

wo shaKHs rone laga KHud hansa hansa ke mujhe